الرئيسية
أحدث الصور
التسجيل
دخول
كفايه صار لك شهرين غايب عني يالغالي
كفايه يااعز الناس ترى والله ماأقدر..
دخيلك لاتخيب فيك هقواتي وامالي...
وإذا انها عالصبر والله وغلاتك عندي راح اصبر..
ابتحمل عنا فرقاك وحالي يرثي لحالي..
مع أني والله لين اليوم مدري ليش بس تهجر..
ابعرف شالسبب ارجوك وش اللي بس يجرالي
انا شسويت ياربي عشان تثور وتتفجر..
انا والله مااستاهل ابد كل اللي يجرالي
اقل مافيها بس قلي سبب خلاك تتغير..
ابعرف بس شالموضوع علامك صرت ماتبالي..
بذمة كل اهلك فيوم شفتني بشي انا مقصر
عطيتك قلبي وروحي وهبتك حالي ومالي..
حملت احساس هالدنيا وعطيته لك وانا افخر.
عشقتك عشق لاقبله ولابعده انعشق تالي
هويتك موت واتخيل الين الموت واتصور..
وإذا جاني مسج منك مخزن رقمك الغالي
ولاامسح رسالاتك اتم اقراها وافكر
واحلل كل كلمه بالمسج الله ياغربالي
واقول بخاطري معقوله حاسس فيني ويشعر..
وارد اقول لأ يمكن تذكرني وهو سالي
لاني توني مطرش مسج طرش مسج يشكر
وارد اقول لأ ادري يبيني وحاسس بحالي
وارد أقول لا ماأظن على باله أنا أخطر
الين اني انا اتأكدت قلبه بالفعل خالي
ولاغيري انا بقلبه يحبني موت ويقدر..
لاني مره مالمرات طرت فكره على بالي
نويت ازعل بدون اسباب واشوفه لو بيتأثر..
ابعرف قدري بقلبه بيهمه وضعي الحالي..
اوانه راح يطنشني ولايسأل ويستفسر
وفعلا دق ماجاوبت حرق لي والله جوالي.
ثلاث الاف مره دق وانا مطنش ولامعبر..
كتب لي بالمسج اطلع انا عند بابك لحالي..
قسم بالله ماتطلع لأخربها انا واحدر..
ومشكلتي اعرفه زين يسويها ولايبالي..
نزلت وخاطره مكــسور يقول شفيك متغير
وقلت له بس ابتأكد اذا قدري معك عالي..
ضحك لي وقال لي اتأكدت ودمعه بلل المحجر
وطارت فيني الدنيا لمكاني صاحبي جا لي
تعذر لي وانا الغلطان وانا اللي لازم اتعذر..
بعدها عشت احلى ايام في قربه هنيالي..
وصلنا لمرحله مانفترق عن بعضنا واكثر
بعدها فجأه خلاني ولا يسأل عن احوالي..
وانا في خاطري ادري محال في يوم يتغير..
ادق له مايجاوبني بديت اشك في حالي
اخاف انه حصل له شي اخافه بس متكدر..
لعب في قلبي الوسواس خياله ماتهيالي..
حوالي ألف مسج طرشت حبيبي ياعسى ماشر
ولا جاوب وانا قاعد على اعصابي وغربالي..
حبيبي صار له اسبوع فيني حتى مافكر..
الين اني عرفت شلون اخلي خلي الغالي يكلمني
وجت فكره بعد مامت وانا افكر..
وفعلا" اتصل فيني وبدت احزاني واهوالي..
وكانت صدمتي كبيره على الغالي اتغير
سألته قلت له وش فيك ما من شر يالغالي..
وش اللي صار بالدنيا علامك ليش متبعثر..
اوانك يعني ماتدري بدونك صرت انا لحالي
ولا لي خلق اي انسان كثر مافيك انا افكر..
(وجاوبني وقال ارجوك ابي هالدنيا تصفالي)..
(انا مليت من وضعي واشوف الكل متغير )
(انا ضاقت بي الدنيا وابي ابقى انا لحالي)..
(خلاص اتركني لاتسأل وانا برجع عقب اشهر)..
وقلت له مو علي تكذب اعرفك تضعف قبالي
تكلم قول شالموضوع بدأ قلبي يدق اكثر..
سكت لحظه "وقال ارجووك ابعد عني يالغالي"..
وخلني اذكرك بالخير وانته مثلي اتذكر..
(ولاتطرش مسج واحد ولااتدق لي ابد تالي)..
وإذا لي خاطرن عندك "لاتتكلم ابد صكر"..
وقلت له والله مااصكر الين تقول وتصفا لي
وقالي والله مااتكلم ولوتبكي دمع احمر..
ولكن شوف ربعك وانته تعرف بس وش جا لي..
"خلاص افهمها عالطاير ولاتحرجني بعد اكثر
وصكر والدمع فيني على الخدين همالي..
"قسم بالله ماأدري علامه قلبه اتحجر"....
فؤادي انهار وانا حملي يهد جبال وجبالي
في لحظه صارت الدنيا في عيني هالكبر واصغر
حسافه ما توقعته يصدق فيني عذالي
حسافه ما هقيته يوم يصد عني ويتغير
بعدها صارلي ما صار وربي يعلم بحالي
فوادي باقي بس شوي واحسه مالجسم يظهر
بديت اعرق ومدري ليش وخابت كل امالي
انا اتوقعت كل الناس ولا توقعت هو ينكر
وقلت بخاطري خله مصيره يرجع الغالي
اكيد انه سمع اي شي وجوه صار متعكر
ولكن طول اغيابه وزادت فيني اعلالي
مرض قلبي تعب فكري واحسه جسمي متخدر
وقلت خلني اطرشله مسج واشكيله احوالي
وطرشت المسج وشوي دق لي ودون ما افكر
هلا والله يا اغلى الناس هلا والله بالغالي
الو ما قلتلك لا تذكرني او اذكر
ابي بس اذكرك بالخير ياخي خلني في حالي
وقلت وخاطري مكسور انا اسف وما اكرر
قسم بالله لين اليوم وحالي يرثي لحالي
قسم بالله الين اليوم ولا ادري ليش اهو اتغير
قسم بالله ما غطت عيوني ولا هدى بالي
قسم بالله ما مر يوم الا وفيه انا افكر
قسم بالله قلت بنساه بس طيفه يتهيالي
قسم بالله لو حاولت انا انساه اتذكر
الين اليوم انا عندي امل يرجع ويصفالي
اقول الشوق بيرده على فرقاي ما يقدر
الين اليوم وظحكاته وبسماته على بالي
الين اليوم ما ارقد كثر ما فيه انا افكر
ابعرف شالسبب ارجوك وش اللي بس يجرالي
انا شسويت ياربي عشان تثور وتتفجر
انا والله ما استاهل ابد كل اللي يجرالي
اقل ما فيها بس قلي سبب خلاك تتغير
ابعرف بس شالموضوع علامك صرت ما تبالي
بذمة كل اهلك فيوم شفتني بشي انا مقصر
انا راح انتظر ردك ولو حتى بمسج خالي
واذا ما جاني منك الرد وغلاتك عندي راح اصبر
سنه سنتين اللي يهم اشوفك ثاني قبالي
ثلاث سنين او اربع ابصبر يعني راح اصبر
ولكن حكم احساسك وجاوب يا اغلى كل غالي
بذمة والديك يهون تنساني ولا تذكر
يهون انك تخليني ولا تسال ولا تبالي
يهون انك تنام الليل وتتركني انا اسهر
كفايه صار لك كم غايب عني يالغالي
كفايه يا اعز الناس ترا والله ما اقدر
دخيلك لا تخيب فيك هقواتي وامالي
واذا انها عالصبر والله وغلاتك عندي راح اصبر
